رواية ضيعتني بقلمي

أنا لا أعلم لماذا أراك في كل مرة أكون فيها خارج المنزل ؟ هل هي صدفة أم ماذا ؟ ازدت تشوقاً لأعرف من أنت ؟ من أين أتيت !! لماذا انت دائما أمامي .. حسناً لنفترض أنها صدفة لماذا لا تسارع لتعرف علي لماذا احس انك ضمنت لقائي بك مرة اخرى ؟*معقولة ؟ حتى هني !!*منى : شفيج بعد ؟*دلال : الصبي اللي كل مكان أشوفة*منى : لاتقولين كاهو ! بليز لا تقولين*دلال : لا كاهو !! لا وأبشرج ياي صوبنا*منى : حلفي ؟*دلال: والله لا تلفين لاتخلينه يحس اني قام اتكلم عنة*منى : انزين بس قوليلي شيصير اول بأول ولا ترى والله بلف*دلال : اوكي كاهو ياي اوش*صباح الخير دلال .. معاج عبدالعزيز أتوقع مو أول مرة اجوفيني صح ولا أنا غلطان ؟*دلال : هلا خير منو معاي ؟*منى نعم أخوي شتبي ؟*عبدالعزيز : بسم لله كليتوني اسف خلاص بمشي*دلال : لا تعالي قولي انت شلون تعرف اسمي وشلون تعرف اني شايفتك*عبدالعزيز : ابي اكلمج شوي والله مابي شي ثاني وحزتها بفهمج على اللي تبينه*دلال :قول*عبدالعزيز : لا ماقدر جدي امج يميـ...منى : انا اختها لا تقول امها امبييه*عبدالعزيز : اي يدتج يميج وجذي فهذا رقمي اذا حابة تعرفين انا منو دقي ..*لم تأخذ دلال الورقة وضعها عبدالعزيز على الطاوله وغادر .. احست دلال وكأن عبدالعزيز قد أخذ قلبها واستبدلها بورقة ..*جلست وهي تفكر كيف متى اين لماذا هل و كانت منى تتحدث وتعلق على ماحدث ولكن دلال كان كل تفكيرها ب.. عبدالعزيز*اليوم هو الخميس .. يوم اجازة والرائع انه في منتزة الخيران .. كانت في البداية صدفاتهم كثيرة و لكن هذه هي اروعهم*حل الظلام .. وأمست الساعة الواحدة مساءا حيث كان الكل متعب .. إلا دلال كانت تقف عند مدخل الشاليه وتبحث في تلك الأرقام محاوله الوصول إلى رقم عبدالعزيز .. أتصلت*فأجبها ذاك الصوت الذي أخذ كل تفكيرها أمس في صباحه ..*عبدالعزيز : ألو*دلال : ألو*عبدالعزيز : منو معاي ؟*دلال : شنو أنت تمشي وترقم*عبدالعزيز : دلال ؟*دلال : إي*عبدالعزيز : هلا والله*دلال : انا مو داقة لأني خفيفة مثل اي بنت تعرفها قبل بس انا بعرف شتبي مني وليش وين ما أروح ألقاك جدامي ؟*عبدالعزيز : انزين ؟*دلال : شنو انزين ابي اعرف ليش اليوم قلت بتكلمني شنو تبي مني ؟ انا كلش مونظامي شباب ؟ وشعرفك عن تفاصيل حياتي و دامك عارف كل شي ليش ماطلعت رقمي ودقيت وقلت كل اللي تبيه بدال ماتلاحقني من مكان لي مكان ؟*عبدالعزيز : لأني احبج وابيج انتي تيني مو انا ايج !!*كلمة ( أحبج ) زعزعت مشاعر دلال كثيرا وجعلتها تصمت .. دلال فتاة تبلغ من العمر آن ذاك 17 عام تتميز دلال بالعفوية وبالمرح والجرأة والعصبية وبالجد في الوقت نفسه*طويلة ! جميلة .. تتميز بعينها الواسعة و ( غمزاتها ) تلفت الأنظار فهي لا تتعجب اذا قال لها احدهم انها جميله*اما عبدالعزيز فلم يكن بالجمال الذي تتمناه دلال لكنه كان له قلب تتمانه اي فتاة فهو طيب وصاحب دم خفيف وايضا ( تكانة )*اسمر البشرة متوسط القامة جمال عزيز كان في لون عيونه .. فلونها لايوصف ابدا*لن أطيل عليكم الحديث ..*المهم أن دلال الحين متنحة على كلمة احبج اللي قلها عبدالعزيز*فقالت دلال : لو سمحت يعيني مايصير جذ...قاطعها عبدالعزيز : انا ماراح اجبرج تكلمني بس المهم قلت الكلمة اللي ابيها والحين لازم اسكرة بقعد مع اهلي ودشي داخل ترى الجو بارد ..*التفت دلال يمينها ويسارها : وينك ؟*عبدالعزيز : وراج بالضبط*التفتت للوراء ولم تجد احد : وينك امبيه ؟*عبدالعزيز : اقص عليج جدامج*دلال : ماكو احد جدامي*عبدالعزيز : انزين دوري يمين ولا يسار يمكن تلاقيني*دلال : انت مصجك تلعب فيني جذي خلاص مراح ادورك*جاء عبدالعزيز ورفع رأس دلال بيديه واغلق سماعة الهاتف وقال لها وجها لوجه*: ابيج تكونين ام عيالي أحبج !!دلال لم تنطق بكلمة واحدة واخذ عبدالعزيز يسير امامها وهي حقا لا تريد ان تتركة ولو للحظات قليلة فقد شعرت اليوم بمعى الحب الذي لم يدخل عالمها قط ..*لم تتصل عليه يوم يومان ثلالثة واربع .. احست انه لو اردها حقا لتصل هو عليها .. اشتاقت له وارادت ان تتصل عليه ذات يوم بعد مرور اربع ايام على هذا الحدث ..*اخذت تتحدث معه وقبل اغلاق الخط لدقائق*عبدالعزيز : واي مالي خلق باجر عندي ميتنق بالدوام الساعة 10 الصبح صج صج مالي خلق*دلال : خلاص عيل اخليك تنام و باجر اكلمك*عبدالعزيز : ماشي*دلال : تصبح على خير*عبدالعزيز : وانتي من اهله*.. فجأء اثناء الدوام المدرسي لدلال اهتز هتفها الذي وضعتة في جيبتها .. منبه في الساعة ال9 صباحا كي توقض عزيز من النوم كي يكون جاهزا في الوقت المناسب وذهبت للحمام واتصلت عليه مرة واحدة فأجبها بصوت ناعس*عبدالعزيز : ألوودلال بصوت خافت : يلا قوم قوم*عبدالعزيز : ليش تتكلمين جذي حجية لا تقلديني*دلال / قوم ياصبي انا بحمام المدرسة انحشت من الحصة عشان اقعدك يلا قوم !*عبدالعزيز : يلا كاني قمت روحي حصتج بس تردين كلمني*دلال : يلا اوكي اي صح تعال*عبدالعزيز : هلا ياقلبي امري*دلال : صباح الخير باي*عبدالعزيز : صباح النور بالخبلة باي*واصبحت اتصالتهم عديدة وعلاقتهم خياليه حقا كانت قصة حب جميله ..قريبي مني شوي*ردي انفاسي علي*اتركي خوفك تعالي*ودي اشعر اني حي ..*انثرين يبعثريني*واجمعيني وامسكني*واجعليني كل شي*راح اقولكم شوي من قصة حب دلال وعبدالعزيز يعني تقدرون تسمونها يومياتهم*أول لقاء :*ذات مرة اصر عبدالعزيز على ان يرى دلال خارج المنزل .. وكان رفض دلال كبير لهذا الموضوع ولكن بعد الحاحه وافقت*جلس عبد العزيز الذي سبق وصوله لدلال واتت دلال بعدة جلست وكانت خجولة حينها ..*وكان هذا الله يسلمكم أول لقاء حقهم وبعد ما كلوا وخلصوا قال عبد العزيز لدلال*احبج فأجابات وانا بعد احبك*الله لا يجيب الزعل بينك وبيني .. وان زعلت اراضيك انا يانور عيني*تضحك الدنيا في عيني لا رضيت .. وقبل اعذارك واسامحك لو خطيت*لو أقول انك حياتي ماوفيت .. كيف انا اضيع حياتي من ايديني*الله لايحرمني منك .. ومن حلالك ومن دلالك*ماتنمى غير شوفك تبتسم مرتاح بالك ...*انا محتاج لحنانك مهما كان .. شوفتك عندي لها قدر وشان*انت في بالي واحبك من زمان ... انت من يقدر يخيب منك ظني*لو تخيل لك غيابي لا تقول اني نسيتك .. صدق احساسك وقلبك انا من قلبي هويتك*انت في بالي الأول والاخير .. لو تغيب شوي توحشني كثير*وش ينسيني وانا عاشق واغير .. وشكثر عانيت حتى اني لقيتك*أول خوف :*تقلبات الجو في شهر 4 مخيفة بنسبة لدلال .. فدلال أصبحت تخاف على عبدالعزيز حتى من الهواء .. أصاب عبدالعزيز ب نزله معوية .. فبدايتها كانت حراره في جسمة*عبدالعزيز : دلال حدي تعبان احس صج جني اول مرة أمرض*دلال : يما منك دلوع ماتبي شي تبي اجازف ؟*عبدالعزيز : ولين ماتيوزين من خبالج؟*دلال : تعال مرني يلا بسرعة بيتنا مافيه أحد يلا تعال*عبدالعزيز : تعبان دلال لا تصيرين جذي*دلال : انزين انت تعال !!*عبدالعزيز : اوكي*وحينما وصل وجد دلال واقف عند الباب مرتدية عباءه ودخلت السيارة وقالت*يلا مشينة ودنا المستشفى*عبدالعزيز : ليش فيج شي ؟*دلال : لا أنت اللي فيك مو انا حبيبتك و ومرتك ؟ يلا ودنا*عبدالعزيز : بشيه بشيه !! الحين مو المفروض انتي اللي تسوقين ودلعيني*دلال : انت ادرى لو اسوق ما أبخل عليك يلا روح*و وصلوا إلى المشفى و كتب الدكتور له الوصفة و أخذت الدواء وعادوا إلى المنزل*موقف بسيط وسخيف ولكنه كان يزين دلال تعلق بعزيز والعكس*أول زعل :*تعودت دلال انها تطلع مع عزيز بالسبوع مرة او مرتين عادي المهم مايمر اسبوع إلى اتجوفة اتفقوا ان يروحون يتمشون ب360*وصلت دلال فوجدت عبدالعزيز تقف امامة أمرة جميلة ( شعرها اشقر وطويلة وبيضة ) وهي تضحك بصوت عالي وهذا ما أثار جنون دلال .. فستدارت وعادت إلى المنزل وأرسلت له رسالة في الواتسأب*خل الزبالة اللي كنت معاها تفيدك ..اتصل عليها مرات عديدة وحاول شرح الموقف لدلال لكن دلال عنيدة وغيورة إلى ابعد الحدود*فقرر الاعتذار*تذكر مرة أنه يملك رقم اخت دلال منى فتصل عليها ..*عبدالعزيز : السلام عليكم*منى : وعليكم السلام منو معاي*عبدالعزيز : أنا عبدالعزيز*منى : اي هلا والله*عبدالعزيز : انتي تدرين عن الصار بيني وبين دلال صح اهي يمج عدل ؟*منى : اي فطوم حبيبتي كملي*عبدالعزيز : ابيج تيبينها ستار بكس مشرف بعد ساعة اتفقنا*منى : تبين دلال معانا تيي ؟ ماشي حبيبتي نبدل ونكون عندج*فقالت منى لدلال بأن صديقتها فاطمة عازمتهم وذهبوا هناك فصدمت دلال بوجود عبدالعزيز امامها*فذهبت منى وهي تلوح بيدها وتقول : باي*عبدالعزيز : استريحي اختي*دلال : شتبي فيني ؟ روح حق الشقرة*عبدالعزيز : تسوين طوايفهم قعدي يابنت*دلال : تبي تقول شي قوله كاني اسمع*مد عبدالعزيز يده وكان بها علبه صغيرة مغلفة*دلال : شنو هذا*عبدالعزيز : يالمطفوقة اخذيها*فتحتها وجلست .. وقالت وهي مذهولة ! امبيه امبيه امبيه عزيز احبك احبك وايد*عبدالعزيز : ادري ادري*كان محتوى هذه العلبة هاتف اشتراه لها .. كان بخاطرها فيه بلاكبيري بولد*ومرت سنة على دلال مع عبدالعزيز وكأنها اعوام سنين وقرون .. فكان لكل يوم حدث مميز*أول حالة شك :*قلت اتصالات عبدالعزيز على دلال واحيانا اصبح لا يجيبها ان اتصلت و احيان اخرى يغلق الهاتف في وجهها .. كانت تعذرة واحيانا لا تستطيع لومة واحيانا تزعل وهو اصبح لا يبالي !!*هل أصبح لا يحبها ؟ ام احب غيرها .. ام ماذا ؟*أول وداع :*استيقظت في الصباح الباكر مع انه يوم اجازة لكنني أصبحت لا أطيق النوم لأنه يبعدني عن عزيز .. كان بالي مشغول به لماذا هكذا ابتعد فجاة وأنا واثقة عن مدى حبه لي .. اليوم عطلت نهاية الاسبوع ولا داعي للكأبة من بداية اليوم ..تقدمت خطوة بعيدة عن السرير و فجأة بهاتفي يرن رفعت الهاتق فوجدت ان المتصل هو عزيز .. وبعد مرور شهر كامل كان هذا هو اتصاله*عبدالعزيز : ألو*عبدالعزيز : ألو !!*دلال : هلا عزيز شلونك*عبدالعزيز : بخير وانتي؟*دلال : غريبة انت اللي داق اليوم ! فيك شي ؟*عبدالعزيز : ابي اشوفج اليوم ضروري*دلال : عزيز صاير شي قولي ؟عبدالعزيز : لا دلال بس محتاج تكونين يمي شوي*دلال : خلاص صار .. وين تبيني اي ؟عبدالعزيز : تعالي عند المسنة اللي يم سوق شرق*قالت دلال لأمها بأن صديقة منى عازمتهم على الغدا برة وذهبت هي ومنى إلى هناك تركتها منى واتجهة دلال إلى عبدالعزيز*كان هذا اللقاء مختلف .. فكان هو .. أول ضمه اول قبلة على الرأس اول مرة يمسك فيها يدي و أول وداع ..*دلال : عزيز شفيك؟*عبدالعزيز : تعالي ركبي اليخت ناخذ فرة و نرجع ..*كانت الثقة بينهم قوية جدا فلا داعي للخوف*ركبت تدلال وبدأ اليخت يبتعد عن المسنة*عبدالعزيز : تدرين شكثر احبج ؟*دلال : لا*عبدالعزيز : احبج كثر ما أخاف عليج كثر ما أبيج بحياتي .. انا ادري ان الكلام اللي بقولج ياه يجرح حيل ويعور .. دلال احنا مو حق بعضدلال : شنو؟ انت يايبني هني عشان تقولي جذي ردني ماابي اقعد معاك*عبدالعزيز : هدي ! انا ابي اتفاهم معاج .. ويبتج مني عشان تسمعيني للأخر وماطلعيني انا الخاين والقاسي و اللي يمشي ويلعب ..*دلال : شنو تبيني أسميك أنزين جان قتلي تتغير فجأة والحين تقول بخليج شنو انت ماعندك احساس ؟*عبدالعزيز : مجبور وراسج مجبور*دلال : منو اللي يجربرك ؟ وحبك لي و كلامك لي !! انت شنو*عبدالعزيز : دلال أبوي كلمتة عنج !! رفض هالشي ! دلال انا من مذهب وانتي مذهب ثاني وصدقيني لو قلتي حق اهلج وفاتحتيهم بالموضوع بتكون ردت الفعل اخس من أبوي*دلال : نحاول عادي مافيها احراج انا احبك*عبدالعزيز : المشكله مو مني .. المشكلة ان ابوي غصبني على بنت خالتي عشان يضمن اني اوخر عنج*وساد الصمت .. لم تستطع دلال ان تنطق بكلمة واحدة*عبدالعزيز : اذا عاندناهم .. ابوي قالي ان حتى فلوس ماكو !! يعني بعيش عيشت فقر .. انتي بتعاندين اهلج و مستعدة تخسرين خواتج ؟ امج اللي تسمينها روحج بتغصيبنها على هالشي*دلال : والله احبك و مابيك تخلني*عبدالعزيز : ولا أنا ابي اخليج دلال انا من شهر وحالتي صعبة ماكنت ابيج تتعذبين معاي قوليلي في حل غيرة ؟*دلال : شنو يعني الحين انت حق غيري ؟ مو حقي ؟*عبدالعزيز : مادري شقولج دلال بس والله احبج*دلال : انزين ابي ارد بيتنا انا عمري مابجيت جدام احد وجذ احس اني متضايقة*اخذها عبدالعزيز إلى حضنة و طمأنها انه سيبقى بقربها*وصلوا بالسلامة واتصلت على منى واخبرها عزيز بما سيحدث غضبت منى بالبداية كثيرا لكنها رأفت بحال اختها اللتي اصبحت تبكي امامها ..*تذكرين ذاك الزمان يوم كان يجمعنا الحنان تذكرين ذاك الوله واحساسنا في اوله الله يا ذاك الزمان*يما عطيتني من حبك كثير كم كان احساسك من احساسي يغير*كانت عيون الحب ترعانا كانت عيون الحب ترعانا*عبدالعزيز قال حق دلال عن حياتة حيل وقالها عن خواته وسوالفهم وكان يدق عليها من تلفون بيتهم كانت الثقة بينهم قوية حيل وكان حبهم اهوا اساس الثقة .. للأسف كلشي كان ..!*كل شيء بين دلال وعبدالعزيز قل تدريجا عدى حبهما لبعضهم البعض .. !!*تجهيزات عرس عبدالعزيز على بنت خالته نور قد بدأت*وكانت دلال تتصل على عزيز بين فترة وفترة تطمن عليه .. كانت تسأل شصار على عرسة ومتى وجذي .. وطلبت دلال من عزيز طلب غريب .. قالت حق عزيز ابي دعوة*عزيز خاف بالبداية لكنه مثل ماقتلكم الثقة بينهم كانت حيل قوية واهوا يدري ان دلال عمرها ماتفكر تضايقة*ليليه الحفلة ..*هل حقاً محظارات التجميل تخفي العيوب ؟ وهل حقاً هذه المستحظرات تستطيع أن تخفي المشاعر .. التي تظهر على وجه اي فتاة ؟ هل تستطيع ان تجعل من الحزن فرح وتغير تعابير الوجه .. أنا لا أرى اي تغير في وجهي .. ! لاشيء حقاً يظل فوق عيني فالبلل أصبح واضحا !!! هل هي أثار (المسكرا ) تحت عيني أم هو نتيجة السهر ؟ لن أكمل وضع هذة المساحيق السخيفة على وجهي .. عزيز يحبه صافيا .. هو هكذا دائما يقول ..!*ارتديت اجمل ثيابي وذهبت إلى هناك جلست .. كانت الابتسامة على شفتاي .. وحدي جالسة بعيدة في حقيبتي لا يوجد سوى مناديل مبعثرة و الهاتف .. جاء وقت دخول العروس .. كانت الاغنية اللتي اتفقنا انا وعزيز ان تكون هي الغنية في عرسي .. ( حسين الجسمي لااله الا الله ) وفي كل خطوة تقترب فيها إلى الكوشة كانت خفقات قلبي تزيد وتسقط من عيني دمعة .. وهكذا حتى وصلت .. الأن وقت دخول المعرس عزيز حبيبي ..! رأية وجهه متوسط بين ابيه و اب نور لم يبتسم للمصورة .. ولم اشعر انه سعيد .. وهذا ما أفرحني اقبل عليها ذهبو الرجال*قبل رأسها كان مجبور على فعل ذلك واخذت المصورة لهم بعض اللقطات .. ازدحمت المشاعر فيني كثيرا .. قررت الخروج بعد ما اتصلت على السائق واخبرني انه عند باب الصاله ..*وقفت وانا اردد سأكون بخير من دونة وقفت في نصف الصاله احسست بدوار انا لا استطيع رأيت اي شيء امامي رايت عين عبدالعزيز فسقطت على الارض ولا أعلم بعدها ماذا حدث ..*فتحت عيني فوجت نفسي في المشفى وحولي امي ومنى وابي ايضا ..*اخذت هاتفي فوجدت رسائل عديدة كان اولها*دلال شلونج ؟ صرتي احسن طمنيني انتي وين !*حبيتبي سلامات ماتبين تردين ادري معاج حق بس والله انا ماحبها احبجدلال طميني عليج*دلال منى ماترد علي فيج شي*وغيرها العديد والعديد .. أجبته*انا بخير ..*ولم يجيبها بأي كلمة*عاشت دلال حياتها بعيدا عن التفكير بعزيز 7 اشهر .. لم تتصل لم تفكر لم ولم ولكنها كانت تشتاق ..*اتصلتت على رقمة فوجدته مفصول .. اصبحت تملك من الفضول ما لا يملك احدا قبلها .. اتصلت على المنزل فأجبت أم عزيز*ألو مرحبا*هلا والله خالتي شلونج*انا بخير يما منو انتي ؟*انا دلال رفيجت دعاء*اي هلا والله اول مرة اسمع عندج*اي انا يديدة معاها بصف*دقيقة اناديلج ياها*دعاء : ألو*دلال : هلا*دعاء منو ؟*دلال : انا دلال حبيبت عزيز ..دعاء : نعم*دلال : انا مستعدة اقولج كل شي بس عطيني رقمج ابي اكملج تكفين لا تدريني*دعاء : اوكي .. 66^^^^^^^دلال يلا مع السلامة*وحدثتها بالواتساب و قالت دلال انا لا اريد شيء سوى الاطمأنان على حال عزيز اذا كان هالشيء مايضايقج*دعاء كانت بنفس عمر دلال وكانت متفهمة لحالت دلال ,, كانت تنقل اخبال عزيز لها حرفيا*عزيز تأقلم مع زوجتة ولكن لم يحبها لشيء هو احبها فقط لأجل العشرة .. نور ليست سوى ضحيت حب فاشلة*حملت نور وانجبت بنت الغريب بالموضوع والمحزن ايضا .. ان ابنته اسماها دلال ..*هل القصة حزينة ؟ ماذا لو انتي كنت مكاني ؟*انا فقط اريد ان تصلكم معلومة .. انا الفتاة اللتي تبقى على تواصل مع شاب متزوج ليست بسيئة او حقيرة او اين كان .. لكن كنوا على يقين ان لكل فعل ردة فعل معاكسة*احب دلال .. اعشق عزيز*كل شي حلو اول مرة ..*تذكر ؟ أول مرة كلمتني فيها ! نبرت صوتك ورسميتك غرورك وابتسامتك .. طيبتك عفويتك كل شي فيك*تذكر ؟ أول مرة تلمني فيها ؟ شلون كنت مستحية ! .. خذتني بحضنك وحسيت اني بأمان معاك ماتمنيت ابتعد عنك ؟*تذكر؟ اول مرة قتلي احبج ؟ وين كنا ومنو كان معانا ؟ تذكر لما قلتها .. قتلك حتى انا احبك ..*تذكر؟ اول وعد وعدتني ياه ؟ لما قتلك لا تخلني !! وقتلي اخلي الكون كلا وماخليج .. حبك كلامك عطفك تذكرة !*تذكر؟ غيرتك علي .. ولمن كنت ادقق على لبسي و وين رايحة ووين رادة و مع منو وليش وشحقة ؟*تذكر؟ اول مرة شفتك فيها ؟ شلون كنت ارجف وانت تضحك علي؟ تذكر لما حطيت ايدك على قلبي و حسيت ان ينبض بسرعة ؟تذكر؟ لما تهاوشت مع اهلي عشانك ؟ لما عاندتهم وقتلهم اني احبك ؟*تذكر؟ اول مرة جرحتني فيها ؟ عذبتني حيل .. سهرتني وبجيتني ..*تذكر؟ اول يوم يمر علي بدون ما أسمع صوتك ؟ حتى ما أطمن عليك*تذكر؟ اول مرة راضيتني فيها ؟ يبتلي هدية .. كنت مستانسة*تذكر؟ لما صارحتني بحبك القديم وان بدى يدش حياتك مرة ثانية ؟*تذكر؟ هواشنا اللي قمنا مانتحملة ؟*تذكر؟ ضحكنا وسولفنا اللي تحولت لي جحيم واحنا ماحسينا ؟*تذكر؟ اخر يوم كلمنا فيه بعض وفترقنا بعدها ؟*انت مشتاقلي ؟ انت مثلي ولا انا اكثر ؟*

مرحبا بك

بين بساتين وازهار

شات عرب فن

ورحيق التواصل

وشهدالمحبه والاخلاص
منور بتواجدك معنا

ويسعدنا تواصلك

واشتراكك معنا

[ندعوك للتسجيل في المنتدى أو التعريف بنفسك لمعاينة هذا الرابط]
نتمنى لك المتعه والتلسيه والاستفادة

» رواية روح امي بقلمي
» رواية ساشتاق بقلمي
» رواية غلطة مراهقة بقلمي
» رواية لقانا بدى صدفة ♥ .. " بقلمي
» رواية مشوار الحب..||بقلمي