بســم الله الـرحمــن الرحيــم
بدا العد التنازلي .............
باقي علي رمضان 60 يوم
زي ماانتم عارفين ان الصحابة كانوا بيستعدوا لرمضان 6 شهور قبله.....
لانه فعلا يستحق اكثر من كدة كمان
عشان كدة اظن ان احنا حتي لو همتنا مش قوية اوي ....
فعلي الاقل نبدا قبله بشهرين او شهر مثلا
عاوزين نسخن من دلوقتي
راجع نفسك كدة سنتين تلاتة اربعة فاتوا.........
وحاول تقيم نفسك ؟؟؟؟
احلي رمضان فيهم كان ايه ؟؟؟ وليه ؟؟؟
اظن ان لواحد وهو ماشي سريع علي 180 مثلا بييقي مستمتع اكتر من اللي ماشي علي 60 مثلا ...
وطبعا ال 180 عمرها ماهتيجي فجاة....
يلا بينا ننطلق من دلوقتي
نبدا نسخن العربية ...
ولو فيها حاجة نصلحها...
ومافيش مانع لو عملنلها عمرة ...
يلا نكون من اصحاب القمم
وندعي ونقول ( واجعلنا للمتقين اماما )
يلا نجهز الثمن ... فالسلعة غالية
واحذر ان تكون النقود مزيفة مكتوب عليها ( لن يتقبل منكم ) ( انما يتقبل الله من المتقين )
او منتهية الصلاحية مكتوب عليها ( سبقك بها عكاشة )
ولنرفع شعار ..........
لن يسبقني احد
دي مقدمة للفكرة اللي جت لي ( باقي علي رمضان .... )
60 يوم
59 يوم
58 يوم
............
كل يوم الساعة 12 يقترب قدوم الضيف علينا.. وتقل المدة المتبقية بمقدار يوم
اللي هيكون موجود الساعة 12 بالظبط هيدخل يكتب الرقم الجديد
وفي كل يوم واحد يدخل يكتب لنا ( واجب عملي لليوم ) كنوع من الاستعداد ... او حتي لو مش هتعمله يبقي نوع من
التحفيز والتعاون علي البر و التقوي
- واجب عملي
-نصيحة
-حديث
- خاطرة
عاوزين نميل للشق العملي اكثر .........
واذكر نفسي واياكم بالايه ( اتامرون الناس بالبر و تنسون انفسكم .. وانتم تتلون الكتاب ..افلا تعقلون )
يتبع
الرئيسية
