خل أعرفكم عالشخصيات بالاول ;"
- ريناد ; عمرها 17 أخر سنة ثانوي 12 علمي أكبر وحدة باأخوانها إلي هم بنتين هم ملاك 14 و بدور 12 سنة و ولد أسمه أحمد 7 سنين شخصيتها حيل قوية و محد يقدر لها و بلاويها شكثر بس من تحت لي تحت محد يعرفهم غير شذى
شذى ; 17 سنة بـ 12 علمي رفيجة ريناد من المتوسط وحيدة أمها و أبوها حيل مدلعة و طموحها طب أسنان حيل شاطرة بدراستها و حيل خوافة و كلة تعتمد على ريناد و سديم بالمواقف الصعبة بسبب ضعف شخصيتها
سديم ; عمرها 18 فاشلة دراسيا دفشة و يعتمد عليها , أمها و أبوها منفصلين و عندها اخوها الصغير اسمة بدر عمره 11 عايشة اهيا و اخوها عند جدتها و أمها كل ويكند تزورها و أبوها متزوج و عايش برى و لا يدري عنها كلة تعيدها بـ 12 ادبي و تعرفت على شذى و ريناد بالثانوية
بشاير ; عمرها 17 بـ 12 أدبي عندها اخت أكبر منها أسمها سارة بالجامعة بكلية الحقوق , كانت بالابتدائي و المتوسط بمدرسة خاصة و بالثانوي صارت مع شذى بالمدرسة حيل قريبة من شذى لانها بنت جيرانهم و من سكنوا هالمنطقة و أهما مع بعض
*
*
في صباح اليوم الثاني ;
يدق منبه ريناد و أهيا و لا حاسة شوي و لا تسمع صوت باب غرفتها ينطق بقوة
ريناد بصراخ ; هاا هااا شتبونن خلوني بحالي بنااام
أم ريناد ; وهوا إن شاء الله شقلة الادب هذي من الصبح قومي خلصي بتتأخرين جذي
ريناد ; زين زين استغفرالله
أم ريناد ( بعصبية ) ; أقول بطلي الباب
ريناد ; خلاص بقوم :")
أم ريناد ( بصراخ هز البيت ) ; أقولج بطلللي البببااااااااااابببب
ريناد بخوف تقوم تبطل الباب بسرعة دشت أمها الغرفة بعصبية سحبت البلاك بيري و اللاب و الايباد و طلعت , ركضت ريناد وراها تناديها عشان تردهم و أهما تمشي مو معبرتها
ريناد : يمة تكفى خلاص اخر مرة عطيني ياهم
أم ريناد : لا قلة أدبج هذي أنا اعرف اوقفها
أحمد : ماما مابي أداوم اليوم تعبان
أم ريناد : حلو حلو هذي تقل أدبها علي و هذي يتدلع مايبي يداوم بداوم غصب يلا بدل !!
طلعوا ريناد و احمد من غرفة امها و ابوها و احمد يبجي
ريناد : غبي غبي خربت علي
أحمد ( يبجي ) : ما سويت شي
ريناد : جب
" في مكان أخر عن بيت ريناد الي شكلة مو راضي يهدى كلش "
3 بنات واقفين عند مسافط الجمعية
سديم متنرفزة : وينها هالخرى ما دقت
بشاير : شذوي ترى وقفتنا كلش مو حلوة أخاف أختي تيي هني تشوفني تسويلي سالفة عفية دقي على رنود شوفيها
شذى ( بخوف و صراخ ) : قااع أدق ما ترد شسوي !!
سديم : طع طع هذي مو جنها أختج بشور @@
بشاير : ووووين @@ ؟!
سديم : كا شوفي إلي نزلت توها
بشاير ( تصرقعت ) : أي أأأأي أمبية شسوي إذا شافتني
سديم : خلاص سمعوني خل ندش كنتاكي على أن نبي الحمام و هناك ندق عالزفت ريناد
شذى : يلا بسرعة
بالسيارة ريناد حدها متدوده و راجو وا عليا يفتر حول الجمعية و أهيا تطالع تحاول تشوفهم
راجو : ماما الحين نوص ساعة انا عند جمئيا
ريناد : سوق و أنت ساكت بس
و تدور و أهيا تتحلطم و تسب كل شي تشوفه و أخر شي أستسلمت و قالت لراجو يطلع من مسافط الجمعية
*
*
في حمامات المطعم :
سديم : هالخرى ما ردت ؟
شذى ( شوي و تبجي ) : لآ
بشاير : خلاص مالنا غير نرد المدرسة و ننط من السور
سديم : أنتي حماره شلون ننط و إذا جكونا بنروح فيها
بشاير : محد بيدري ألحين 8 و شي الكل بالصفوف أمشو بسرعة خل نلحق على عمرنا أنا أخاف أختي تيي هني
طلعوا من كنتاكي و أهما يبون يقطعون الشارع
راج : ماما شوفي هادا مو ساديقا أنتي ؟
ريناد : أي والله الجلاب @@
طااااااااااااااااااااط طاااااااااااااااااااااااااااااط
سديم : منو هالزفت إلي .. < ما كملت جملتها
إلا تشوف ريناد طالع راسها من الدريشة و تصرخ : يا حمممميير تعالو بسسرعة
راحو يركضون و بطلت الباب لهم ريناد
سديم ( تكفخ ريناد ) : خرى علييج بغيتي تودينا ورى الشمس
ريناد : ركبوا خلصوني بعدين نتكافخ .. راجو بسرعة حرك