رحنا مجمع شرينا عشى وحنا عند الحساب مرت وحدة من جنبي وطت رجلي : t097:
وأنا صرخت صرخة اللي في الكاشير والناس كلهم يناظروني هع
البنت يا حرام من الفجعة أحس قلبها تسدح عند رجولي هههه
طلت فيني تقول اوووه سوري سوري ما انتبهت وراحت
انا اول ما راحت عيني جات على رجلها ابي اشوف وش لابسه ذي : t147:
يا اني حقدت عليها بنت اللذين يا جعلها المانيب قايلة : t029:
اختي الكبيرة قالت لي: خير وش فيك تصارخين فضحتينا : t113:قلت لها: بعدين بعدين
مشيت وانا اعرج وربي الى الان رجلي تعورني حسبي الله على رجلها
حشى مو كعب اللي لابسته وصلنا السيارة وقلت لهم كل السالفة
أمي قالت: هههه اكيد كنتي تخزينها من فوق لتحت
"هي كانت لابسة عباية مخصرة ورامية الطرحة
وحاطة جبل فوق راسها تقل قبة المسجد ههههه" : t004:: t004:
قلت لها: وربي ماشفت هي من وين جات؟
حرك اخوي السيارة وكان ناقصنا موية الشرب فوقفنا
عند مقهى جالسين عنده شباب يا كثرهم
المهم لما وقف اخوي السيارة وراح يشتري
مرت سيارة جنبنا يبي يدخل والمصيبة مافي مكان وهذا الا والا ادخل
لما مر من جنبنا كنت متنحة بالسيارة اكذب نفسي ولا اصدقها : t043:: t043:
اختي الكبيرة قالت: الحين مو كن السيارة تتحرك؟ : t018:
انا هنا بديت استوعب <<انا كنت متنحة بالسيارة اشوف حنا اللي نتحرك ولا هي؟
والسيارة اللي ورانا تدق بوري <<يعني ياللي قدامي
وقف انا وراك <<اووخص كل هالكلام قالته السيارة؟ هع : t016:
امي بدت تصرخ وتولول يا ولدي تعال الحقنا ياقلبي بنموت بنموت : t101:
والشباب اللي في المقهى كلهم يناظرون علينا يعني وش فيها ذي الحرمة تصرخ؟
وكان في سيارة جنبنا واحد سوري يكلم زوجته ومعه جالون موية المهم
الرجال ذا يناظر على امي ويقول: وأفوا وأفوا <<وقفوا وقفوا
والسيارة مستمرة في الرجوع انا ما تشوفوني طلعت من شباك السيارة
واصرخ عالسوري: لف لف بسرعة والرجال متنح وش فيها ذي انهبلت؟ : t080:
وانا اعيد: يا غبي لف بسرعة عاد هو ماشاء الله هب ريح على قولتهم
جانا جري وهو يقول للسيارة اللي ورانا: ارجاع لورى حريم لوحدوون
ويفتح باب سيارتنا ويطمر فيها ويوقفها وامي ما زالت تصرخ الحقونا الحقونا
قال السوري: حصل خير يا حجة حصل خير ماصار شي
انا بقلبي: حجة بعينك ليه شايف معنا فصفص ولوز وحلاوة عود؟
بس الصراحة طلع واحد زقرت وابضاي هع :
لما جا اخوي امي حكته اللي صار
قمت انا دخلت عرض بينهم: ايه وانا طلعت من الشباك وناديته <<يقلكم الحين مسوية انجاز
ولد اختي يقول: الله يفشلك تبينه يساعدك تقولين له يا غبي؟