صوت التلفون
ام تميم : يالله اجعله خير ...الوو (بصوت نعسان)
المدرسة : الووو السلام عليكم اختي ام تميم بغيناج تجين الروضه الحين لو سمحتي
ام تميم : خير تميم فيه شي
المدرسة : لا تحاتين بس طايح من لعبه و تعور شوي و ان شاء الله مافيه الا الخير
ام تميم : جايتكم
وصلت ام تميم وحدها قاعده تحاتي شصار في بجرها و صج اهوا مافيه شي وله اهما قاعد يقولون جذي عشان يطمنونها
دخلت ام تميم الادارة مع صوت بجي تميم
ام تميم : شفيك يما عسى ما تعورت
و تميم يزيد بالبجي
خذته و طارت فيه المستوصف و بيني وبينكم اول مره اتدوس فوق الثمانين
المهم
دخلت ام تميم على الدكتور
الدكتور : سلامات يا .. يطالع ورقة الدخول يكمل حديثه
يا تااااميم
و تميم يحط ايده على عينه و يمسح دموعه ويطالع امه
ام تميم : الله يسلمك دكتور ولدي طاح توه بالروضه
الدكتور : ممم افرد رقلك (رجلك) هنا يعوارك هنا يعوارك
ام تميم : ها دكتور طمني
الدكتور : ان شاء الله مش حيحصل الا الخير بس اعملي له اشعه و هاتيها و مش حيحصل الا كل خير
خلونا نتكلم عن ام تميم شوي ام تميم انسانه عجيبه رغم انها ما كملت دراستها الجامعيه و عاشت تخدم امها و ابوها بين اخوانها الثمانية ألا انها كانت على قدر عالي من النباهة و الوعي و خوف الله تزوجت ابو تميم و اهيا اكبر منه صارت له الام و الابو و استحملت الايام الي كان فيها يقصر المعاش ام تصنف من الامهات الاوليات صج
نرجع لروايتنا
دخلت ام تميم بعد لويه و حوسه معاها الاشعه
ام تميم : تفضل دكتور
الدكتور : اها اها امممم ((يتفلسف)) و اهوا يطالع الاشعه
ام تميم: خير دكتور
الدكتور : والله يا ام تميم لازم جبس عشان في كسر خفيف بالعظم
ام تميم : لا حول ولا قوة الا بالله العظيم
الرئيسية
